ഏതാനും വര്‍ഷങ്ങള്‍ക്കുള്ളില്‍ തന്നെ ഇന്ത്യ ലോകത്തിലെ ഏറ്റവും വലിയ ശക്തിയായി മാറുമെന്ന് കണക്കുകളെ ഉദ്ദരിച്ച് വിവരമുള്ളവര്‍ പറയുന്നു.മറ്റു രാജ്യക്കാരോട് സ്വന്തം നാടിന്റെ വികസനത്തെ കുറിച്ച് പറയ്മ്പോള്‍ നമ്മള്‍ നൂറു നാവുകള്‍ കൊണ്ട് വാചാലമാവുന്നു.അവര്‍ നമ്മുടെ മുന്നോട്ടുള്ള കുതിപ്പിനെ വിശ്മയത്തോടെയും അസൂയയോടെയും നോക്കി കാണുമ്പോള്‍ നമ്മുടെ അന്തരംഗം അഭിമാന പൂരിതമാകുന്നു.പക്ഷെ,യഥാര്‍ത്ഥത്തില്‍ ഇന്ത്യക്കകത്ത് എന്താണ് നടക്കുന്നത്?.ലോക വന്‍ ശക്തിയായി മാറി കൊണ്ടിരിക്കുന്ന ഒരു രാജ്യത്ത് നടക്കേണ്ട കാര്യങ്ങളാണോ നമ്മുടെ ആര്‍ഷ ഭാരതത്തില്‍ നടമാടി കൊണ്ടിരിക്കുന്നത്?.
കൊ പ്രേറ്റ്‌ ബിസിനെസ്സിലും സന്താന ഉല്പാദനത്തിലും അഴിമതിയിലും മാത്രമാണ് ഇന്ന് നാം വികസിചു കൊണ്ടിരിക്കുന്നത്.അഴിമതിയില്‍ ഒന്നാം സ്ഥാനം കരസ്ഥമാക്കാനുള്ള കഠിന പ്രയത്നത്തിലാണ് നമ്മളെന്ന് സമീപ്പക്കാല സംഭവങ്ങളെ വിശകലനം ചെയ്യുമ്പോള്‍ തോന്നി പോകും.വികസന പട്ടികയുടെ അടിത്തട്ടില്‍ കിടക്കുന്ന ആഫ്രിക്കന്‍ നാടുകളെ പോലും നാണിപ്പിക്കുന്ന വിധത്തിലായിരിക്കുന്നു അഴിമതിയില്‍ കുളിച്ചു കിടക്കുന്ന നമ്മുടെ നാടിന്റെ അവസ്ഥ.
ഒരു ലോക വന്‍ ശക്തി ആകാനുള്ള യോഗ്യത ഇന്ത്യയ്ക്ക്‌ ഉണ്ടോ?.അതിനു വേണ്ടിയുള്ള തയ്യാറെടുപ്പ്‌ വല്ലതും നമ്മള്‍ നടത്തുന്നുണ്ടോ?ഒരു വികസിത രാജ്യത്തിനു വേണ്ട വിധത്തിലുള്ള അടിസ്ഥാന സൌകര്യങ്ങളോ,ജനങ്ങളുടെ ജീവിത നിലവാരമോ ഇവിടെ വികസിച്ചിട്ടില്ല.ലോക വന്‍ ശക്തി സ്ഥാനത്തിന് വേണ്ടി നമ്മളോട് മത്സരിക്കുന്ന ചൈനയിലെ റോഡുകള്‍ യൂറോപ്യന്‍ രാജ്യങ്ങളിലെ റോഡുകളോട് കിടപിടിക്കുന്നതാണ്.ഒരു വന്‍ ശക്തിക്ക് ഉണ്ടായിരിക്കേണ്ട എല്ലാ മേന്മകളും നേടിയെടുക്കാനുള്ള തയ്യാറെടുപ്പുകള്‍ അവര്‍ നടപ്പില്‍ വരുത്തി കഴിഞ്ഞിരിക്കുന്നു.ഒളിപ്ക്സും ഏഷ്യന്‍ ഗൈമ്സ്സും വളരെ വിജയകരമായി നടത്തി കാണിച്ചു കൊണ്ട് അവര്‍ തെളിയിച്ചിരിക്കുന്നു ഭാവിയില്‍ ലോകത്തെ നിയന്ത്രിക്കാന്‍ എന്ത് കൊണ്ടും തങ്ങളാണ് യോഗ്യരെന്നു.നേരെ മറിച്ച് നമ്മുടെ നാടിന്റെ അവസ്ഥയെന്താണ് ?.പണിത് കൊണ്ടിരിക്കുമ്പോഴും പണിത് കഴിഞ്ഞു ആള്‍ക്കാര്‍ കയറി നില്‍ക്കുമ്പോഴും തകര്‍ന്നു വീഴുന്ന പാലങ്ങളും നടപാതകളും.പൊട്ടി പൊളിഞ്ഞു കിടക്കുന്ന റോഡുകള്‍,സ്വജന പക്ഷപാതം കൊണ്ടും അഴിമതി കൊണ്ടും ആകെ അലങ്കോലമായി കിടക്കുന്ന സര്‍ക്കാര്‍ സംവിധാനങ്ങള്‍,പട്ടിണി മരണങ്ങളുടെ കണക്കില്‍ ആഫ്രിക്കന്‍ രാജ്യങ്ങള്‍ പോലും നമ്മുക്ക് പിന്നില്‍.
ലോകത്ത് ഏറ്റവും കൂടുതല്‍ കോടീശ്വരന്മാര്‍ ഉള്ളതും ഇന്ത്യയില്‍ തന്നെ.പണമെല്ലാം ഒരു ഭാഗത്ത്‌ കുമിഞ്ഞു കൂടുമ്പോള്‍ മറുഭാഗത്ത്‌ പട്ടിണി മരണങ്ങള്‍ ഏറി ഏറി വരുന്നു.ഏതു അവിഹിത മാര്‍ഗത്തിലൂടെയും ജനങ്ങളുടെ സമ്പത്ത് കവര്‍ന്നു എടുക്കാന്‍ ശ്രമിക്കുന്ന രാഷ്ട്രീയ ലോബികളെയും കൊപ്രേറ്റ്‌ ഭീമമ്മാരെയും (ഭീകരന്മാര്‍)തൊടുവാന്‍ പോലും നമ്മുടെ ഭരണ സിരാകേന്ദ്രങ്ങള്‍ ഭയക്കുന്നത് കാണുമ്പോള്‍ തന്നെ നമ്മുക്ക് മനസിലാക്കാം അഴിമതിയുടെ അട്ടകള്‍ എവിടെയൊക്കെ അള്ളി പിടിച്ചിട്ടുണ്ടെന്ന് .സുപ്രീം കോടതിയുടെ നിരന്തരമായ ഇടപെടല്‍ ഒന്ന് കൊണ്ട് മാത്രമാണ് ലക്ഷക്കണക്കിന് കോടി രൂപയുടെ വെട്ടിപ്പ്‌ നടത്തിയവര്‍ക്കെതിരെ നടപടിയെടുക്കാന്‍ കേന്ദ്ര സര്‍ക്കാര്‍ വൈകിയെങ്കിലും മുതിര്‍ന്നത്.
ഇത്തരമൊരു സാഹചര്യത്തിലാണ് അണ്ണാ ഹസാരെ 121 കോടി ജനങ്ങളുടെ പ്രതീക്ഷയായി മാറുന്നത്.എത്ര കോടികളുടെ അഴിമതികളും പകല്‍ പോലെ വെളിച്ചത്ത് വന്നാലും അപകടകരമായ ഒരുതരം നിസ്സംഗതയായിരുന്നു ഇത്രയും കാലം നമ്മള്‍ക്ക്.സ്വാര്‍ത്ഥ ലാഭത്തിനു വേണ്ടി മാത്രമുള്ള പ്രതിഷേധങ്ങളില്‍ മനം മടുത്തു ഒന്നിലും പ്രതികരിക്കാതെ സാധാരണ ജനങ്ങള്‍ മാറി നില്‍ക്കുകയായിരുന്നു ഇത്രയും കാലം.അനീതിക്കും അഴിമതിക്കുമെതിരെ ഉള്ള പ്രതിഷേധങ്ങള്‍ എല്ലാം ഏതെങ്കിലും രാഷ്ടീയ പാര്‍ട്ടിയുടെ ലേബലിന് കീഴില്‍ മാത്രം ഒതുങ്ങി നിന്നപ്പോള്‍ ജനങ്ങള്‍ പല വിഭാഗങ്ങളായി ചിതറി പോവുകയായിരുന്നു.അപ്പോഴും ജനങ്ങള്‍ ഒരു മാറ്റത്തിന് വേണ്ടി ആഗ്രഹിക്കുന്നുണ്ടായിരുന്നു.പക്ഷെ ആ മാറ്റം ആര് കൊണ്ട് വരും, എങ്ങനെ കൊണ്ട് വരും എന്നത് വലിയൊരു ചോദ്യ ചിഹ്നമായി നിലകൊണ്ടു ഇത്രയും കാലം.നിഷ്പക്ഷമായി ചിന്തിക്കുകയും പ്രവര്‍ത്തിക്കുകയും ചെയ്യുന്ന ഒരു നേതൃത്വത്തിന്റെ അഭാവം നിഷ്പക്ഷമതികളായ ജനങ്ങള്‍ക്ക്‌ മുമ്പില്‍ ഒരു സമസ്യയായി നിലകൊണ്ടു.
തെരഞ്ഞെടുപ്പുകള്‍ വരുമ്പോള്‍ ,നാടിന്റെ ഭാവി നിര്‍ണ്ണയത്തില്‍ ഭാഗവാക്കാവാനുള്ള ആഗ്രഹത്തില്‍ ഉള്ളതില്‍ വെച്ച് ഏറ്റവും നല്ല സ്ഥാനാര്‍ഥിക്ക് വേണ്ടി തങ്ങളുടെ സമ്മതിനാവകാശം വിനിയോഗിക്കുന്ന നിഷ്പക്ഷമതികളായ ഭൂരിപക്ഷം വരുന്ന പൗരന്മാര്‍ ഇവിടെ ഉണ്ട്.ഇന്നത്തെ ചീഞ്ഞു നാറുന്ന വ്യവസ്ഥിതിയില്‍ നിന്നും ഒരു മാറ്റം അവര്‍ ആഗ്രഹിക്കുന്നുണ്ട്.അവര്‍ക്ക് മുന്നില്‍ നിന്ന് പോരാടാന്‍ തയ്യാറായി ഒരു വയോ വൃദ്ധന്‍ മുന്നോട്ടു വന്നിരിക്കുന്നു.അതാണ്‌ അണ്ണാ ഹസാരെ.ഹസാരെയുടെ പിന്നില്‍ ആയിരങ്ങള്‍ അണിനിരക്കാന്‍ തുടങ്ങിയിരിക്കുന്നു.ടുനീഷ്യയിലും ഈജ്യപ്തിലുമൊക്കെ നടന്നതു പോലുള്ള ഒരു മുല്ലപൂ വിപ്ലവം ഇവിടെയും നടക്കേണ്ട സമയം അതിക്രമിച്ചിരിക്കുന്നു.ഒരു മാറ്റം നമ്മുക്കും ആവിശ്യമായി വന്നിരിക്കുന്നു.അണ്ണാ ഹസാരയുക്ക് പിന്നില്‍ നമ്മുക്കും അണിനിരക്കാം.നാടിന്റെ സമ്പത്ത് കവര്‍ന്നെടുത്തു കൊണ്ട് പോകുന്ന കൊപ്രേറ്റ്‌ കൊള്ളക്കാരെ അകത്താക്കാന്‍ വേണ്ടി.....
യാച്ചു..വളരെ നല്ല ലേഖനം.
ReplyDeleteഅഴിമതി തടയാന്‍ സമഗ്ര നിയമം വേണമെന്ന് ആവശ്യപ്പെട്ട് നിരാഹാരം അനുഷ്ട്ടിക്കുന്ന 72 കാരനായ അണ്ണാ ഹസാരെക്ക് പിന്തുണ പ്രഖ്യാപിക്കുന്നു.
അഴിമതി നടത്തുന്നവരെ ശിക്ഷിക്കണം എന്ന് മാത്രമല്ല, അവര്‍ അഴിമതി നടത്തി സമ്പാദിച്ചത് മുഴുവന്‍ രാജ്യത്തിന്റെ ഖജനാവിലേക്ക് തിരിച്ചു പിടിക്കണം എന്ന ഹസാരെ യുടെ വാദത്തെ പൂര്‍ണ്ണമായും പിന്താങ്ങുന്നു.
രാജ്യത്തിന്റെ പൊതുമുതല്‍ കൊള്ളയടിക്കുന്ന രാഷ്ട്രീയക്കാരെയും ഉധ്യോഗസ്ഥന്മാരെയും നിയമത്തിനു മുന്നില്‍ കൊണ്ട് വരണമെന്നും ശിക്ഷ നല്‍കണമെന്നും അവര്‍ അഴിമതിയിലൂടെ ഉണ്ടാക്കിയ കോടികള്‍ രാജ്യത്തിന്റെ ഖജനാവിലേക്ക് തിരിച്ചു വാങ്ങണമെന്നും ശക്തമായി ആവശ്യപ്പെടുന്നു.
രാജ്യത്തിന്റെ സമ്പത്ത് രാഷ്ട്രീയ ക്കാര്‍ക്കും ഉധ്യോഗസ്ഥന്മാര്‍ക്കും കൊള്ളയടിക്കാനുള്ളതല്ല. അത് രാജ്യത്തിന്റെ വികസനത്തിന്‌ വേണ്ടി ഉപയോഗിക്കാനുള്ളതാണ്.
നമ്മുടെ രാജ്യം നന്നാകണമെങ്കില്‍ ഇത്തരം കള്ളന്മാര്‍ ശിക്ഷിക്കപ്പെടണം.
ആരു ഭരിച്ചാലും അഴിമതിക്ക് ഒരു കുറവുമില്ല നമ്മുടെ ഭാരതത്തിൽ. അഴിമതിമുക്തമായ ഒരു ഭാരതം സ്വപ്നത്തിൽ പോലും നാമിനി ദർശിക്കേണ്ടതുമില്ല. അധികാരത്തിന്റെ പട്ടുമെത്തയിൽ കിടന്നു അഴിമതിയെ ഭോഗിച്ച് സുഖം ആസ്വദിച്ചു ശീലിച്ച ഭരണവർഗ്ഗത്തിനു ഇനിയതിൽ നിന്നും പിന്മാറാനാവില്ല.
ReplyDeleteതങ്ങളുടെ ശക്തമായ പ്രതിഷേധം അറിയിക്കാൻ ഈ വേളയിൽ രാജ്യത്തെ ജനങ്ങൾ ഒന്നടങ്കം അണ്ണാ സാഹേബ് ഹസാരെക്ക് പിന്തുണ പ്രഖ്യാപിച്ച് രംഗത്തു വരികയാണു വേണ്ടത്.
കാര്യഗൌരവമായ നല്ല പോസ്റ്റ്. അഭിനന്ദനങ്ങൾ.
നല്ലൊരു ചിന്ത;നല്ലൊരു പോസ്റ്റ്-അഭിനന്ദനങ്ങള്‍!
ReplyDeleteചുമ്മാ അഴിമതി അഴിമതി എന്ന് പറഞ്ഞിട്ട് കാര്യമില്ല.നമ്മളും കുറച്ചു ഒക്കെ ശ്രദ്ധിക്കണം.കാരണം ഈ അഴിമതിക്ക് വളം വച്ച് കൊടുക്കുന്നത് നമ്മള്‍ തന്നെ അല്ലെ?
ReplyDeleteഇന്ത്യ മഹാ രാജ്യത്തിന്റെ വികസന സ്വപ്നങ്ങള്‍ക്ക് എന്നും വിലങ്ങു തടി ആവുന്നത് കയ്യിട്ടു വരാന്‍ മാത്രം ലക്ഷ്യമിട്ട് രാഷ്ട്രീയത്തില്‍ ഇറങ്ങുന്ന , ഒരു ആദര്‍ശവും ജീവിത വിശുന്ധിയും കാത്തു സൂക്ഷിക്കാത്ത മൂന്നാം കിട രാഷ്ട്രീയക്കാരാണ്.ഇവരെ ജന സേവകരന്നോ ജന ദ്രോഹികള്‍ എന്നോ വിളിക്കേണ്ടത്...നല്ല രാഷ്ട്രീയ പ്രവര്‍ത്തകര്‍ ഉണ്ടെങ്കില് കൂടുതല്‍ കള്ളാ നാണയങ്ങള്‍ തന്നെ...ഓരോ ദിവസവും പുറത്തു വരുന്ന അഴിമതി കഥകള്‍ പല രാഷ്ട്രീയ കാരുടെയും പോയ് മുഖങ്ങള്‍ അഴിഞ്ഞു വീഴുന്നു....എന്നിട്ടും ഇവര്‍ നിയമത്തിന്റെ നേര്‍ത്ത വിടവിലൂടെ പുറത്തു വരുന്നു...അതവര്‍ക്ക് വീണ്ടും വീണ്ടും അഴിമതികള്‍ നടത്താന്‍ പ്രോത്സാഹനം ആകുന്നു......കഴുതകളായ ജനം അവരെ വീണ്ടും അധികാരത്തില്‍ കയറ്റുന്നു... അഴിമതിക്കാരായ ,ജന വന്ജകരായ ,രാജ്യ ദ്രോഹികലായ ഇവന്‍ മാരെ ഞമ്മള്‍ സംരക്ഷിക്കാം പാടില്ല...ഇവരെ പിടിച്ചു ജയില്‍ അടയ്ക്കണം...സമ്പൂര്‍ണ ആഴി മത രഹിത ഭരണം ഇവിടെ നടക്കണം...ഇന്ത്യ യുടെ വികസന കുതിപ്പ് ഇവിടെ നടക്കണം...ധാരാളം തൊഴില്‍ അവസരങ്ങള്‍ ഇന്ത്യയില്‍ സ്രിഷ്ടിക്കപെടനം...നാളെ യുടെ ഇന്ത്യക്കായി പോരാടു ഇന്ന് തന്നെ....ഹസാരയുടെയും സംഗതിന്റെയും അഴിമതി രഹിത പോരാട്ടത്തിന് ഒരായിരം ആശംസകള്‍ നേരുന്നു...
ReplyDeleteകറുത്ത ഭൂ ഖണ്ഡം എന്ന് അറിയപെടുന്ന ആഫ്രിക്കയിലെ ടുണീഷായില്‍ തുടങ്ങി നെയില്‍ നദിയുടെ നാടയാ ഈജിപ്ത് വഴി ഗദ്ദാഫി അടക്കി വാണിരുന്ന ലിബയയിലും ഗള്‍ഫ് രാജ്യങ്ങളിലും വിജയകരമായി നടന്നു കൊണ്ടിരിക്കുന്ന ജന പ്രക്ഷോഭങ്ങള്‍ തന്നെ ആയിരിക്കും ഈ സര്‍ക്കാരിനെയും ഭയ പെടുതിയതും ഒരു ഒത്തു തീര്‍പ്പിന് തയ്യാറായതും .
ReplyDeleteവര്‍ഷ കാലത്ത് നടക്കുന്ന പാര്ലമെന്റ് സമ്മേളനത്തില്‍ ലോക്പാല്‍ ബില്‍ അവതരിപ്പിക്കാന്‍ എന്ന് പ്രധാന മന്ത്രി നല്‍കിയ ഉറപ്പു ഒരു പക്ഷെ കുറുപ്പ് ഉറപ്പയിരിക്കും.കാരണം ഇപ്പോള്‍ നടക്കാന്‍ ഇരിക്കുന്ന അഞ്ചു നിയമ സഭ തെരഞ്ഞടുപ്പുകളില്‍ ഈ സമരം,വര്‍ധിച്ചു വരുന്ന ജന പിന്തുണ കൊണ്ട് തന്നെ കോണ്‍ഗ്രസ്സിന്റെയും സഖ്യ കക്ഷികളുടെയും വിജയ സാധ്യതകള്‍ക്ക് മങ്ങല്‍ ഏല്പിക്കാന്‍ സാധ്യത ഉള്ളത് കൊണ്ട് ആണ് കേരളത്തിലേക്ക് തെരഞ്ഞടുപ്പ് പ്രചാരണത്തിനായി പുറപെടുന്നതിനു മുന്‍പ്‌ തന്നെ പ്രധാന മന്ത്രി തന്ത്ര പരമായി ഒത്തു തീര്‍പ്പിന് തയാറായത്.എന്തായാലും ഭരണ കയ്യാളുന്ന പുന്യാലന്മാര്‍ ഞങ്ങളെ ഭയപെടാന്‍ തുടങ്ങി ഇരിക്കുന്നു എന്ന് ഞമ്മള്‍ക്ക് ഇതില്‍ നിന്ന് മനസ്സിലാക്കാം.ഇതൊരു ശുഭ സൂചനയാണ്.ജനാതിപത്യം തിരുച്ചു വന്നിരിക്കുന്നു.പണ്ട്,ഗാന്ധിജി കണ്ട സ്വപ്‌നങ്ങള്‍ യാഥാര്‍ത്ഥ മായിരിക്കുന്നു.ജാതി ,മത ,രാഷ്ട്രീയ ഭേദമന്ന്യേ അഴിമാതികെതിരായ സമരത്തില്‍ ഗ്രാമങ്ങളെയും പട്ടണങ്ങളിലെയും എല്ലാ വിധ ജനങ്ങളും ഒരൊറ്റ മനസ്സില്‍ നിസ്വാര്ധതയോടെ അന്ന ഹസരയ്ക്ക് അഭിവധ്യബ് അറിപിച്ചു തെരുവില്‍ ഇറങ്ങിയപ്പോള്‍ അത് സ്വന്തന്ത്രാന്തര ഇന്ത്യയുടെ ഏറ്റവും മികച്ച ജന പ്രക്ഷോഭങ്ങളില്‍ ഒന്നാകുകയും സര്‍ക്കാര്‍ ഭയക്കുകയും ചെയ്തു എന്നാണ് സത്യം.അഴിമതിക്കാര്‍ പരസ്പരം വീണ്ടും വീണ്ടും മത്സരിച്ചു ഒരു അഴിമതിക്കാരെ പാര്ളിയമെന്റില്‍ എത്തിക്കേണ്ടി വരുന്നത് ജനങ്ങളുടെ ദുര അവസ്ഥയ്ക്ക് തെളിവാണ്.അതിന്നാല്‍ വോട്ടു ചെയ്യുമ്പോള്‍ ബാലാറ്റ്‌ പേപ്പറില്‍ സ്ഥാനാര്‍ഥികളുടെ പേരിനു ശേഷം ഇതില്‍ ഒരാളെയും ഇഷ്ടമായില്ലെങ്കില്‍ അത് രേഖപെടുതാനുള്ള ഒരു കോളവും വേണം അതായത് നിഷേധ വോട്ടു.എന്നെല് ഇവന്‍ മാര്‍ പടിക്കു.
എന്തെങ്കിലും ആവട്ടെ...സര്‍ക്കാര്‍ ഈ ഒത്തു തീര്‍പ്പു ഒരു പറ്റിക്കല്‍ ആണെങ്കില്‍ അന്ന ഹസാര പറഞ്ഞപ്പോലെ ഈ സമരം ഒരു സൂചന മാത്രം ഇനി വരാനുള്ളത് നിങ്ങള്‍ കണ്ടോളു...ഹസാര...ധൈരമായി മുന്നോട്ടു പോയ് കൊള്ളൂ നിങ്ങളുടെ കൂടെ നേരും നേരിക്കുംവേണ്ടി നില്‍കുന്ന കത്തി ജ്വലിക്കുന്ന ഒരു പാട് യുവാക്കള്‍ ഉണ്ട്....ഉറപ്പു...
അണ്ണാ ഹസരെക്കൊപ്പം അണിചേരുക...ഈ നാറിയ രാഷ്ട്രീയ കോമാളികള്‍ കാട്ടിക്കൂട്ടുന്ന ലക്ഷ കണക്കിന് കോടികളുടെ അഴിമതിയില്‍ എല്ലാം നഷ്ട്ടപ്പെടുന്ന പാവപ്പെട്ട ജനങ്ങളുടെ പേരില്‍ നടക്കുന്ന ഈ ജനാധിപത്യം? അത് ഈ തീവെട്ടിക്കൊള്ള അവസാനിപ്പിക്കാന്‍ ഒരു പുതിയ യുവ തരംഗങ്ങള്‍ ഉണ്ടാവേണ്ടത് ആവശ്യമാണ്‌ അതിന്നായി നമുക്ക് പങ്കു ചേരാം .അഴിമതി ,മുക്തമായ,ജാതി മത വിമുക്തമായ,കക്ഷി രാഷ്ട്രീയ മുക്തമായ ഒരു നല്ല ജനാധിപത്യം ഇവിടെ ഉണ്ടാവട്ടെ ..യഥാര്‍ത്ഥ ജനങ്ങള്‍ക്ക്‌ വേണ്ടി ജനങ്ങളുടെ സര്‍ക്കാരുകള്‍ ..അല്ലെ...നല്ല ലേഖനം കേട്ടോ ഭായീ..ആശംസകള്‍
ReplyDeletebadar,moideen angadimugar,snehatheertham,fenil,shamseer,and aachaaryan(imthiyas) thanks for your valuable comments.please come here again.
ReplyDelete